As Fallas

As Fallas son una fiesta de València conoxitas internazionalmén, a terzer ziudá más gran de l’Estau Español. Manimenos, bi ha fallas en d’atros puestos amanaus, como Alzira, Dénia, Gandia, Xàtiva y Oriola. As Fallas empezipian o día 15 de marzo y rematan o día 19 de marzo (ye a clamada “Semana Fallera”), pero dende o día 1 de marzo, puedes trobar bels autos intresans en as Fallas, espezialmén fuegos artifizials.

O Conzello de València organiza la mayoría d’os ebentos d’as Fallas, pero en cada bico,  as comisions falleras zelebran a fiesta en a suya propia zona. Nusatros semos a Falla Josep Maria Haro-Poeta Mas i Ros, una comisión en o Destrito Maritimo de València. Cada comisión fallera tiene una reina mayor (a “Fallera Mayor”) y una reina infantil (a “Fallera Mayor Infantil”), y a ziudá de València tiene, á la begada, as suyas propias reinas falleras.

O fuego ye mui importán en as Fallas. Dende o día 15 de marzo,  València planta arredol de 380 molimentos de cartón-piedra en as carreras. O nombre de cada molimento ye “falla” y representa una ambista satirica d’os zaguers aconteximientos d’o mundo con una sobrebuena calidá artistica. Cuan plega o día 19 (día de San Chusé), as fallas se creman arredol d’as 12:00 am. Toz os días, entre o 15 y o 19 de marzo, bi ha una “mascletá”, que son fuegos artifizals diurnos, os cuals produzen un rudio ritmico. Puedes bier-ie toda mena de fuegos artifizials en València. En rematar a nuei bi ha grans y coloristas fuegos artifizials amán d’o biello cauz d’o río Turia.

Ixo no ye tot. As Fallas en tienen de mosica por toz os puestos y en tot inte, porque os balenzians l’aiman. En puedes trobar de flors, grans corridas de toros y dibersión cada nuei. Si besitas as Fallas, t’inamorarás d’ellas y de València.

Más sobre a fiesta d’as Fallas en LocalFestivities.com (a mayor fiesta en o Top 50).

Federazión de Ligallos de Fablans de l'Aragonés (www.fablans.org)