LA REVISTA "LA SIDRA" ABRE OTRU FRENTE DE LLUCHA POLA DEFENSA DE LA CULTURA ASTURIANA

Col cuartu númberu de la revista "La Sidra" l´Ensame Sidreru blinca a la rede en LaSidra.net. Esti sitiu, recien estrenáu, ye la so edición dixital.

L´Ensame sidreru ye una asociación cultural dedicada a la defensa y promoción de la sidra y la mazana. Dende´l so entamu vienen puxando por esta revista monográfica sobre la bebida asturiana, que tien la peculiaridá, de ser la única nesti momentu. Con esti cuartu númberu, la revista, amás d´afitase nel terrén, salta a la rede onde yá se pue agüeyar la revista cabera. La revista la sidra usa l´asturianu y el castellán; y mantien, como nun podía ser d´otru mou, la toponimia y el vocabulariu sidreru colos sos nomes tradicionales. 

Agora mesmo, La sidra.net entovía ta n´obres  y dirá ampliando información sobre l´Ensame sidreru y meyores na páxina.

infoasturies 5 febreru 2003

"Llingua y Rock" entama yá a grabase con estos seis grupos de rock d´estremaos estilos y en llingua Asturiana. Les feches nun son segures pero pa Marzu o Abril podría tar na cai esti trabayu.  

Demintres munchu tiempu vien naguandose por una escena de rock astur que paez qu´entama a xurdir tres dixebra.

Les formaciones grabaran dos cantares en Llingua y rock que de xuru dara-y puxu a esti estilu y prestara-yos enforma a los rockeros asturianos.

skontra         http://www.skontra.cjb.net/

oi!n´ast         http://www.iespana.es/oinast/

milicia astur http://miliciaastur.webcindario.com/

Antón/ infoasturies 12 avientu 2004

La Banda de gaites de Candás ye la nuea campeona nacional al facese col primer puestu del III Campeonatu Nacional de Bandes de Gaites.

La B.G Candás frañó en Llangréu la supremacía de la banda gaites bicampeona "Llariegu". de Sariegu que quedó subcampeona nesta ocasión. El tercer  puestu foi pa la banda occidental "La Reina del Truebanu" qu´algamo´l  premiu a la meyor estética. El campeonatu tuvo reñíu ganado Candás con 89, 88 Llariegu y 87 Truébanu.

Más información de les posiciones y les puntuaciones.

infoasturies 9 avientu 2003

Alberto Álvarez Peña averamos a la figura la culiebra na cultura popular en Cuélebres, culuobras, culiebres y culiebrones. La culiebra na mitoloxía asturiana  Ediciones Trabe. 192 Páxines.

Les culuebres son, xunto col llobu, ún de los animales más desprestixaos ya condergaos inxustamente pola xente. Esti camientu val-y a Alberto Álvarez Peña pa entamar un profundu y mui prestosu estudiu sobre estos animales del diablu, identificaos coles muyeres impures, la mentira, l’engañu y el paganismu en cuantes que’l cristianismu contaminó la figura de la sierpe.

infoasturies 4 avientu 2003

Llangréu acoyerá esta edición del Campeonatu Nacional de Bandes de Gaites na que la biacampeona"Llariegu"  ye la banda a batir.

Ocho son les bandes que se disputarán el campeonatu nacional nel parque Dolores F. Duro (La Felguera) el domingu 7 d´avientu de magar les 12:30 hores. Les bandes opten a los premios de meyor banda  y meyor seición de percursión, de les dos,  Llariegu ye´l campeón d´anguañu, amás, del campeonatu va dos años como meyor banda. Por too ello,  parte de principal fovorita y como Banda a batir.

 INFOASTURIES 1 d´avientu 2003

       TOLIVIA REPUBLICA INDEPENDIENTE

Los Berrones tornen al panorama musical con esti nueu ya esperadísimu discu entituláu Tolivia Republica Independiente.

Más info na web del grupu

infoastiuries 22 payares 2003

Novedaes nel yacimientu La Carisa

Depués de afayar un campamentu romanu nes escavaciones en Picu Curiel.los,  que ye fasta´l momentu el campamentu militar romanu a más altura del nivel de la mar, agora los cientificos encargaos reconocen tener atopada una estructura non xeolóxica debaxo d´esti campamentu lo que podría llevamos haza un afayamientu prerromanu. Los arqueologos amás d´esto, cerca de lo que ye'l campamentu de La Carisa  tienen atopaos restos d'otru yacimientu (dos torres y un fosu ente elles), tamién posíblemente prerromanu, que cuenten con escavar l'añu que vien.

infoasturies 20 payares 2003

http://www.geocities.com/elsantomilagro

infoasturies 20 payares 2003

L´enterramientu nun coincide colos de tipoloxía romana

Nel yacimientu de la cueva del Alba, en Perlora (Carreño) alcontráronse restos humanos d´una persona moza de alrodiu 20 años, fragmentos de cerámica y cristal y una fíbula de tipoloxía romana.

Los investigadores fechen l´axuar énte el sieglu III y IX, un entierramientu d´estes dómines nun ye ná frecuente n´Asturies d´ehí el so gran valir

L´ afayamientu ye  perimportante, según manifestó la arqueóloga Gema Adán, porque va permitir conocer los usos funerarios de la época y l´arraigo de la cultura romana ente la población asturiana.

Un equipu de xeólogos, antropólogos y arqueólogos investiga estos díes el yacimientu. Los materiales llocalizaos dan a entender que pue tratase del primer enterramientu tardoantiguu que se llocaliza  n´Asturies. 

Afayamientos como el de Paredes (Sieru) permitieron conocer los enterramientos romanos (en tumbes de ladrillu), sigue sin tar s nidio cómo yera esti ritual anantia de la romanización.

Según los investigadores la cultura funeraria romana non siempre s´impuso a la tradicional, yá que´n dalgunos casos, como paez ser en Perlora, los astures seguien optando por depositar a los sos muertos con un pequeñu axuar y  cubiertos de tierra superficialmente, en llugar de proceder al depósitu en tumba típicu romanu.

El equipo de investigadores  presentó un proyectu d´escavación de la cueva na Conseyería de Cultura col oxetivu de afondar na investigación que pue ufiertar datos sobre los ritos funerarios de la época y los dixebraos tipos de inhumación n´Asturies.

infoasturies 16 payares 2003

Presentose el Conseyu Regulador de la denominación d´orixe

La sidre asturiana yá tien denominación d´orixe pero lo que nun entamu diba ser Sidra d´Asturies/Sidra de Asturias a la fin convirtiose en Sidra de Asturias namás.

39 llagareros van vender sidra con denominación l´añu que vien,estos, cuenten con tirar una producción mayor que la que se contaba, que yera d'un millon de llitros. La sidra de denominación nun va representar ,nun entamu, más del 5% de la producción total nel meyor de los casos.
                                                                     ochobre 2003

El Muséu Arqueolóxicu de Madrid vien esponiendo dende hai abondu tiempu una bayurosa y abondosa riestra de pieces artístiques asturianes que son Patrimoniu de la Humanidá con total impunidá yá que son un exemplu claru del expoliu, el furtu, el desinterés y la desprotección na que s'atopó y s'atopa inda el Patrimoniu hestóricu artísticu asturianu, esperdigáu de mala manera, bien de vegaes robáu o furtáu del so orixinal allugamientu y duldosamente trespasáu fuera de les fronteres d'Asturies ensin que naide o pocos se molestaren en denunciar estos y otros robos al bayurosu patrimoniu d'Asturies, una tierra que bien pue presumir d'una bayurosa herencia hestórica y polo tanto artística y cultural. Nin siquiera el patrimoniu asturianu de la Humanidá, el pre-románicu astur se llibra d'estos expolios y robos, en concretu la propia ilesia de San Miguel de Lliñu nel Narancu d'Uviéu tien pieces suyes importantes espuestes de mala manera nel Árqueolóxicu de Madrid, un muséu decimononicu que nun ye más qu'un exemplu de l'acción de los expolios artísticos propios d'otres dómines onde se pretendía que los patrimonios de los pueblos onde debíen tar yera na capital del estáu o incñusu nel estranxeru antes que nel so llugar propiu d'orixe. El Muséu británicu de Londres ye otru exemplu de cómo se ficieron nel pasáu los museos arqueolóxicos a costa del robu y l'expoliu de los pueblos del mundu con total impunidá ya qu'en munchos casos esos expolios ficiéronse cola complicidá o cola acción de los propios estaos imperiales. Grecia ye unu de los países, Turquía tamién y Exiptu en menor midida que más reclamen la devolución de los sos tesoros artísticos lliteralmente robaos de los sos países pa amosase como oxetos de feria en Museos xenerales foriatos. El Muséu de Madrid ye unu d'estos tipos de museos expoliadores, onde poco o cuasi nada ye de Madrid y toles xoyes artístiques son de fuera, talu ye'l casu de la Dama d'Elx que vien siendo reclamada pola Comunidá Valenciana cuantayá. Nel casu del Patrimoniu asturianu l'expoliu algama a la mesma ilesia de San Miguel de Lliñu de la que se robaron en concretu un dintel, un capitel adosáu, un salmer d'arcu, una clave d'arcu, un guapu capitel adornáu y otru fragmentu de capitel, fechos toos ellos de piedra calizo y marmol gris, exemplu too ello de la dexadez y l'expoliu del pre-románicu asturianu del que se llevaron cachos enteros pa fuera d'Asturies. Capítulu aparte merez l'expoliu o furtu cometíu no tocante a les xoyes d'oru de los ástures: torques, fíbules, diademes como la de Moñes, rotes y espardíes per dellos museos como'l de Madrid son un exemplu del robu al patrimoniu asturianu ensin derechos de tresmisión de propiedá claros y con un inclín de desaniciu de la personalidá del arte asturianu son too ello una amuesa de la vergoña que padeció l'arte en xeneral nel Estáu español y la poca consideración n'especial hacia l'arte asturianu. Les xoyes asturianes amuésense nel Muséu de Madrid con total despreciu ya ignorancia, nun se menciona nin siquiera el so orixe, l'arte de los ástures pal casu de les xoyes doraes, o la Monarquía asturiana pal casu del pre-románicu y el colmu de la burlla pasa pola amuesa tracamundiada nel Arqueolóxicu madrilanu de les xoyes de Veigadeo como supuesta "diadema de Ribadeo (Galicia)". El Muséu Arqueolóxicu de Madrid atópase na cai Serrano 13, 28001 Madrid, TF: 915777912, email: sec@man.es y pertenez al Ministeriu d'Educación y Cultura español.

Axencia de Noticies CPN- Payares 2003