 |
| Unvía les toos noticies y tou tipo de colaboraciones sobre política astur |
|
|
|
|
 |
Andecha Astur pide a IU que retire la campaña del 0’7 % demientres nun arrenuncie al coche oficial que va usar la so vocera na Xunta Xeneral |
|
|
|
|
|
 |
|
| Pegadielles de la contra-campaña d´Andecha criticando los sueldos y la hipocresia de los partíos mayoritarios |
|
|
|
|
|
|
La organización política Andecha Astur pidió públicamente al Conseyeru de Xusticia, Francisco Javier García Valledor, y a la vocera del grupu parllamentariu d’Izquierda Unida, Noemí Martín, que retire la campaña de coperación del 0’7 %, na que se pide un esfuerzu económicu a los asturianos, demientres nun arrenuncie esta cabera al coche oficial que va usar y que acaba mercase por valor de casi 72.000 euros, tamién con cargu al bolsu de los asturianos.
Nun mos estraña que tantu’l PP comu’l PSOE merquen ensin vergoña estos coches pa pasiar a los sos cargos y voceros, ya que a lo menos nun finxen colos sos plantegamientos nin intenten engañar a los ciudadanos, que yá saben con quien se xueguen les sos perres, pero nun pasa lo mesmo cola fuercia política que dicía tar na "otra oriella" y reclama siempres honradez y austeridá. Nun cabe mayor estafa política a los asturianos. Les promeses elleitorales d’IU – BA sobro oficialidá del asturianu, viviendes protexíes y salariu social tan quedando’n nada y, polo visto, puen esperar. La única rialidá d’IU – BA, y al paecer lo más urxente pa ellos, ye guetar una supervivencia de luxu, con sueldos añales de 60.000 euros, comu los del señor Valledor, Laura González y Aurelio Martín (Vicepresidente de la Xunta) y coches oficiales pa toos, con una merca cabera pa Noemí Martín de casi 12 millones de les vieyes pesetes. Dende Andecha Astur suxerimos a la flamante secretaria del PCA que, si tantu-y interesa esi coche, lu pague coles perres del so bolsu.
infoasturies 14 febreru 2004 |
|
|
|
|
|
|
|
|
|
|
Solidaridá coles trabayaores encerraes na Ilesia San Xosé Obreru en Xixón |
|
|
|
|
|
 |
|
| SOLIDARIDÁ |
|
|
|
|
|
|
Van más de 20 dies de encierru polos drecos llaborales d´estes trabayaores del antiguu INSERSO en Xixón. Delles organizaciones muestren la so solidaridá pa con elles.
EL PCPE-Asturies y la Corriente Sindical d´izquierdes expresaron públicamente´l so sofitu y solidariedá pa con les trabayaores eventuales del antiguu INSERSO que, anguañu, lleven más de 20 díes de encierru en vindicación de los sos drechos llaborales más básicos y que l´Alministración asturiana-yos niega.
Les trabayadores integraron cerca DIEZ años una bolsa d´empléu na que taben amarraes a una disponibilidá total y esclusiva cola amenaza de ser espulsades d´esa bolsa si taben trabayando notru centru nel momentu de ser llamaes. L´usu d´estas bolses de trabayu, sobre too cuando la duración ye de tal estensión, supon un fraude al drechu de les trabayadores a la estabilidá nel emplegu y un usu abusivu de la contratación temporal que nun resulta almisible nuna Alministración xestionada por Partios que presumen ser de "izquierdes".
Asína, tres DIEZ años prestando serviciu en condiciones precaries, les son "premiaes" pola Alministración prescindiendo de los sos servicios ensin reconoce-yos los años d´antigüedá, ensin da-yos indemnización dalguna y ensin tener en consideración la esperiencia y que debería de ser tenia en cuenta a la hora de cubrir places que la Alministración diz necesitar cubrir.
Entienden dende´l PCPE que´l personal trensferiu del antiguu INSERSO, polos años de trabayu, tienen el derechu a una relación llaboral de caráuter indefiniu y que la Alministración nun pue facer usu de la eventualidá pa burlar los drechos llaborales d´estes trabayadores
Pola so parte la C.S.I considera que l´Alministración del Gobiernu d´Asturies (PSOE – IU- BA), amás de nun resolver la problemática de les trabayaores de les bolses d´empleu, ta enfrentado a unos trabayadores con otros y creando un malestar xeneral, del que ye responsable l´Alministración Asturiana a la que-y esixen una solución urxente
Dada la desidia y el pasotismu de los sindicatos mayoritarios, el PCPE pide a tolos trabayadores asturianos que se solidaricen col colectivu de trabayadores enzarráu na Ilesia de San Xosé Obreru de Xixón y vaigan a mostra-yos el su sofitu.
Cesar/infoasturies 5 febreru 2004 |
|
|
|
|
|
|
|
|
|
|
Polémica en Mieres pol sistema de recoyía de basoria |
|
|
|
|
|
|
|
|
|
|
|
Dende lo caberu del branu l’Ayuntamientu de Mieres, vien poniendo en marcha la so nuea política de llimpieza municipal. Tres llanzar dellos globos sonda alrodiu la retirada de contenedores y la so sustitución por cubos, y ante la prácticamente nula rempuesta de l@s mierenses, el Consistoriu entama la retirada de los mesmos.
La propuesta municipal, ensin nengún tipu de flexibilidá, consiste nuna estraña alternativa: les comunidades de vecinos pueden merquiar los cubos de basoria y ocupase de sacalos, retiralos y del so mantenimientu, o bien puen contratar con determinaes empreses l’arriendu de los cubos y del so mantenimientu. La verdá que nos alcuerda a otra alternativa plantegada agora fae 25 años.
Ante les lóxiques reticencies de dalgunos vecinos, principalmente de les barriades obreres, dende ‘l Ayuntamientu retrucan que lo que se pretende ye nun gravar inda más a los mierenses. Tal rempuesta, parecería llóxica, si nun fora por una serie de matices.
Si bien ye cierto, que nun hai xuba de los impuestos, ensin embargu si hai una nuea carga palos vecinos, esto ye una nuea tasa amazcarada. Per otru llau, esti nueu serviciu, nun parez que traiga apareyáu una rebaxa nos impuestos por recoyía de basoria. Too fae amuesar que se cobrará dos vegaes pol mesmu serviciu, igual qu’ocurre col impuestu de voladizos. En consecuencia, más carga enriba los ciudadanos y menos servicios públicos. Mieres, sigue siendo un de los Conceyos asturianos con mayor carga fiscal.
Según l’equipu municipal (PSOE y IU-BPA), la nuea medía nun implicaría discriminaciones, puesto que les comunidades podrían escoyer les ofertes más ventayoses y que a más comunidades, servicios más baratos. Nesti momentu, xurde la dubia pal PCPE. Según la lóxica del mercáu ( que tarrecemos), a mayor númberu de cubos, meyores precios. Entós, por qué l’Ayuntamientu, yá que se ñega a desempeñar esti serviciu esencial (creando, de paso emplegu públicu y de calidá), nun se ocupa de xestionar la contratación del mesmu. Nun se cree que naide puea encomparar el contratu privau ente particulares col contratu alministrativu, nel que l’Alministración Llocal tien una serie de ventayes sobre’l contratista: dende la imposición de cláusules especiales nel contratu a la posibilidá de rescisión del mesmu con munchos menos problemes qu’un particular. Nun sedrá lo mesmu contratar 10, 100 o 1000 cubos, que 12.000.
Otres entrugues que se planteguen dende´l Partíu Comunista de los Pueblos d’España-Asturies nel Caudal son más d'enclín práuticu.
¿Qu´ocurrirá cuando nuna mesma cai, les estremaes comunidaes vecinales contraten el serviciu a distintes empresas? Los vecinos deberán apechugar colos consiguientes problemes de circulación y de ruíu.
Fasta agora el serviciu que entama a implantar nes comunidaes del centru de Mieres del Camín, nun pue dexar de señalase como defeutuosu. Cubos de poca capacidá, y de nueu les bolses de basoria a pie de cai.
¿Por qué s’implanta agora un sistema como’l d’Uviéu? ¿Enantes yera malu y agora bonu? Miembros del equipu de Gobiernu (entós nun lo yeren) criticaronlu virulentamente dende les ondes de la emisora "independiente".
¿Por qué nun se plantegó dende l’entamu cual diba a ser el nueu modelu municipal y se abrió un alderique con los mierenses ampliu y sinceru? El grupu de Gobiernu parez preferir otru estilu, más acorde colos tiempos d’anguañu: la imposición.
Y nel resto del Conceyu, ¿se seguirán colos contenedores? Parez ser que sí. Lo que nun ye bono palos habitantes de Mieres del Camín, no parez del too malo palos ciudadanos de los pueblos.
Por too ello, dende’l PCPE-Asturies y los Coleutivos de Mocedaes Comunistes/Colectivos de Jóvenes Comunistas nel Caudal, llamamen a los ciudadanos de Mieres del Camín y, por estensión, a los del restu’l Conceyu, a oponese a esta nuea imposición municipal. Así mesmu, sofiten las medíes que les Asociaciones de Vecinos de Santa Marina, Vega d’Arriba y San Pedru, tan adoptando, como la recoyía de firmes escontra del nueu sistema o la petición de soterramientu de los contenedores.
[PCPE-ASTURIES CMC/CJC] Caudal / infoasturies 27 xineru 2004 |
|
|
|
|
|
|
|
|
|
|
|
|
|
Andecha Astur solicita a la Xunta Xeneral qu’ellimine los porcentaxes mínimos nel númberu de votos pa tener representación n’Ayuntamientos y na propia Xunta |
|
|
|
|
|
 |
|
| Pa más inri el algamar esos porcentaxes nun asegura la presencia |
|
|
|
|
|
|
Andecha Astur (www.andecha.org) vien de presentar énte la Mesa de la Xunta Xeneral del “Principado” una propuesta na que solicita la elliminación de los antidemocráticos y escluyentes mínimos porcentuales nel númberu de votos pa tener representación nos Ayuntamientos y na propia Xunta Xeneral.
La Llei Elleitoral afita esos porcentaxes nel 5 % (pa les Cases Conceyu) y nel 3 % (casu la Xunta). Andecha Astur solicitó dicha midía por dir a la escontra del principiu de pluralismu y non esclusión de les minoríes, too ello n’aplicación de los plantegamientos qu’IU, PSOE y PP dixeron defender, demientres los díes caberos, coincidiendo cola conocía polémica col Presidente de la CC.AA d’Extremadura.
Remembremos que al Sr. Ibarra nun-y quedó más remediu, a la fin, qu’arrenunciar a la so propuesta d’escluyir del Congresu de los Diputaos a los partíos que nun algamen un 5 % de los votos nel conxuntu del Estáu español. El Sr. Ibarra, que foi desautorizáu pol Secretariu Xeneral del so propiu partíu, recoyó crítiques de tol espeutru políticu. Asina, IU consideró la idega una tochura y rechazó cualisquier intentu de “laminar a las minorías”. Dende’l PSOE afitóse que “se trata de una opinión minoritaria que no comparte la inmensa mayoría de los socialistas, por su carácter excluyente”, y dende’l PP criticóse tamién la contradición pa colos principios del pluralismu que la propuesta del presidente estremeñu acarreta.
Da la casualidá de qu’atopámonos con que la Llexislación Elleitoral vixente anguañu n’Asturies esclúi de les Cases Conceyu a toes aquelles fuercies polítiques que nun algamen el 5 % de los votos nunes elleiciones municipales, y de la Xunta Xeneral del “Principado” a los partíos que nun lleguen al 3 % de los votos nunes elleiciones autonómiques.
La situación nun pue ser más paecía a la denunciada polos partíos IU, PSOE y PP con motivu del escenariu que se creyaría de magar la propuesta del Sr. Ibarra. Ye decir, que los partíos nomaos nun cayeren na cuenta de que la esclusión que rechacen pal Congresu de los Diputaos en Madrid tan poniendola en práutica ca cuatru años nos Ayuntamientos asturianos y na Xunta Xeneral. Sedría interesante conocer cuantos miles de ciudadanos quedaren escluyíos de representación n’Asturies a lo llargo de los años pol fechu de que la formación a la que votaron nun superara les barreres impuestes, al pesiar d’algamar un porcentaxe qu’en sigo mesmu-yos daba drechu a un conceyal o diputáu.
Con esta propuesta, Andecha Astur quier facer llegar esta reflexón a los partíos istitucionales de la Xunta Xeneral col oxetivu de qu’actúen en consecuencia colos principios de pluralismu y non esclusión de las minoríes que dicen defender, nun sólu nel Congresu de los Diputaos, en Madrid, sinon tamién nel Parllamentu y Ayuntamientos asturianos.
Xurde / infoasturies 19 xineru 2004 |
|
|
|
|
|
|
|
|
|
|
El PCPE-Asturies entrega-y a la Alcaldesa de Llangréu un Bonu-Bus y le pide-y que reconsidere la merca del nueu coche oficial del Conceyu |
|
|
|
|
|
|
|
|
|
|
|
El PCPE-Asturies (Partido Comunista de los Pueblos de España n´ Asturies) entamó va unos díes una campaña qu´intenta denunciar ente la opinión pública la incoherencia y doble moral que rixe l´actividá de la nuea Corporación Municipal de Llangréu encabezada pola Alcaldesa del PSOE, Esther Díaz.
El PCPE-Asturies nun entiende les razones poles que aun esistiendo una delicada situación económica se faen delles inversiones a toes lluces inecesaries y que comprometen a mediu y llargu plazu la salú financiera del Conceyu.
Dende la llegada del PSOE al Ayuntamientu medró la presión fiscal, fasta un 10%, pa pagar les deudes que, según fuentes del PSOE, dexó nes anteriores llexislatures IU. La intención, anguañu, ye cobrar por aparcar nos núcleos urbanos del Conceyu pa iguar los problemes d´aparcamientu. La crítica situación económica del Conceyu convirtióse mientres unos meses en caballu de batalla col que´l PSOE intentaba tapecer la so propia incapacidá de xestión.
Pesie a too esto, xubieronse los sueldos de los componentes de la Corporación y lliberóse a un númeru escesivu de conceyales y aprobóse la merca d´un nueu coche oficial con un preciu superior a 30.000 €.
La Alcaldesa debería desplicar les razones poles que xube impuestos y sueldos pero mantien aparcáu l´ Estatutu de Participación Ciudadana, un plan integral pal remocique y la recuperanza de la fastera rural de Llangréu, sigue vendiendo un ficticiu Centru Comercial como´l futuru pa Llangréu,... De la mesma forma la oposición, Partido Popular e Izquierda Unida-Bloque por Asturies, tien qu´aclarar los motivos polos que permite y nun pon nenguna obxeción a estos desmanes.
Por esto y como rempuesta a la prósima adquisición del nueu coche el PCPE-Asturies entregó nel Rexistru del Aytu un Bono-Bus de 10 viaxes del Consorciu de Tresportes del Nalón. Tamién se solicita que l´Alcaldesa reconsidere la decisión de mercar el nomáu coche y pide-y qu´use medios de tresporte más imaxinativos, económicos y ecolóxicos como pueen ser el tresporte públicu, bicicleta,...
CMC / infoasturies 14 xineru 2004 |
|
|
|
|
|
|
|
|
|
|
Andecha Astur representara a la izquierda nacionalista nes elleiciones del 14-m |
|
|
|
|
|
 |
|
| Andecha Astur representará a la izquierda nacionaliega asturiana |
|
|
|
|
|
|
APREBó EN CONCEYU NACIONAL LA SO PARTICIPACIÓN NES ELLEICIONES ESTATALES DEL 14-M
Andecha Astur participará, otra vuelta, na convocatoria elleutoral española, dempues de qu`hai cuatru años esta organización algamara quel TC español reconocierá el drechu de les organizaciones polítiques asturianes a presentase a les elleiciones en llingua asturiana.
Dempues d`un ampliu alderique nel que rescampló la crítica faza una convocatoria elleutoral na que la representatividá del pueblu asturianu va tornar a quedar llendada "de facto", la totalidá de los asistentes al Conceyu Nacional Estraordinariu, convocáu por esta xida, aprebaren la participación d`Andecha Astur nel Elleiciones Estatales de 2004, tantu na llista al Congresu, comu na llista al Senáu.
Pente los argumentos esgrimios pa xustificar tala participación destaca el de que, agora más que nunca, Andecha Astur ye la organización referencial del nacionalismu asturianu, polo que`l nun participar nuna convocatoria elleutoral sedría traicionar enforma al elleutoráu asturianu.
De magar esti momentu, abrese dientru la organización, el procesu d`ellaboración de candidatures, tantu al Congresu comu al Senáu, asina comu`l de organización y cordinación de la campaña elleutoral.
infoasturies 12 xineru 2004 |
|
|
|
|
|
|
|
|
|
|
QUIEREN CONSTITUYIR LA "PLATAFORMA ASTURIANA POLA III REPUBLICA". |
|
|
|
|
|
 |
|
| El republicanismu español ta organizandose |
|
|
|
|
|
|
El puxu republicanu de los últimos tiempos y l´avance na unidá´l movimientu tres l´ ultimu Alcuentru Estatal, que llevó a tener un manifiestu de mínimos xunitarios, lleva a dalgunos/es a intentar crear una Plataforma Asturiana.
Ye por ello qu´esta xente arrogándose el títulu temporal de Comisión Preparatoria, faen una convocatoria abierta pal prósimu MIERCOLES 21 DE XINERU, A LES 20.00 HORES, NOS LLOCALES DE LA SOCIEDÁ CULTURAL XIXONESA (CAI BELMONTE DE MIRANDA Nº 4-ETLO. IZDA).
L´obxetivu ye llograr crear una plataforma xunitaria, qu´alrodiu´l manifiestu [disponible nos nueos foros en "Llectures"], puea facer un trabayu estable n´ Asturies pola República. La idea inicial, abierta a la discusión, ye costituyir una plataforma mista, onde puean participar coleutivos y presones a título individual, que dende la pluralidá del republicanismu puea trabayar nun obxetivu común.
Pa más información:
corsario@telecable.es
rvr34@telecable.es
alfesu@telecable.es
cesar / infoasturies 9 xineru 2004 |
|
|
|
|
|
|
|
|
|
|
|
|
|
EL PCPE diz NON A LA RECALIFICACION DE LOS TERRENOS DE LA ESCUELA DE MAREO |
|
|
|
|
|
 |
|
| El PCPE escontra la recalificación y la especulación |
|
|
|
|
|
|
NON A LA RECALIFICACION DE LOS TERRENOS DE LA ESCUELA DE MAREO.
NON MAS ESPECULACION COL SPORTING.
El Comité Comarcal del Partido Comunista de los Pueblos de España (PCPE-Asturies) mostró la so oposición pública a los intentos de recalificar con fines urbanístico-especulativos los terrenos municipales de la Escuela Fubol de Mareo.
Dichos terrenos son patrimoniu de la ciudadanía de Xixón, ya que fueron mercaos con perres públiques, pa fines deportivos, o asína se nos dixo, anque tol mundu sabemos qu´esta operación foi una forma de seguir dando dineru a los/es collacios/es del PSOE que llevaron al Sporting a la situación d´anguañu. Por ello entiende´l PCPE que´l caltenimientu d´una infraestrutura pública deportiva en Xixón, como la de dicha Escuela, ye una necesidá nun sólo pa los sportinguistes sinon pa tola ciudadanía.
Como yá denunciaron en so día aquella operación yera un despilfarru públicu pues implicaba dar dineru ensin control a un Conseyu d´Alministración que continuaría arruinando al club. Desgracidamente la hestoria nos da la razón y la crisis total del Sporting sigue presente.
Tres la operación de recalificación de Mareo escuendese una nuea forma, per un llau, de privatizar el patrimoniu públicu, y per otru, de financiar a los/es que fundieron al Sporting, que como toos sabemos tan nidiamente lligaos al seutor de la costrucción, polo cualo pretenderíen seguir beneficiándose del club agora al traviés de plusvalía urbanístiques.
El PCPE-Asturies esixe del Ayuntamientu, y sobre manera del PSOE ya IU, un non rotundu a la operación y un compromisu seriu en tres sentíos:
1. La preservación de los terrenos de la Escuela Pública de Mareo como suelu d´usu públicu deportivu o asemeyao al serviciu de tola ciudadanía de Xixón, y principalmente del deporte de base.
2. Nin un duru más a los xestores d´anguañu del Sporting,.
3. Garantizar que cualquier dineru públicu se de o alcuerdu económicu que s´alcance con dicha Sociedá Anónima Deportiva pase pol abandonu del control de la mesma de losanguañu másimos acionistes, por articular ferramientes que permitan el control públicu y democráticu de la mesma por parte l´ Ayuntamientu y de los/es abonados/es del club, y por compromisos serios de la mesma con el restu´l deporte d´esta ciudá.
El PCPE-Asturies considera que´l Sporting ye patrimoniu de la ciudadanía de Xixón, y d´Asturies, y que por lo tanto un Ayuntamientu que diz representar a la izquierda nun pue continuar favoreciendo con el la especulación y el llucru presonal de persones que demostraron la so incapacidá pa llograr caltener la hestoria del club.
Cesar / infoasturies 2 xineru 2004 |
|
|
|
|
|
|
|
|
|
|
Atacada la sé del PSOE en Lluanco // Formen un grupu espacial pa investigar los ataques a les sés de partios |
|
|
|
|
|
 |
|
| Les coses tan que arden |
|
|
|
|
|
|
Un explosivu causó dalgunos daños materiales y la policia española rellacionalo colos ataques de setiembre a les sedes d´IU, PSOE y PP polos cuales foi criminalizáu el nacionalismu asturianu.
Un artefautu esplosivu españó nel baxu onde´l PSOE tien la so sé en Gozón. Los autores colocaron una garrafa de cinco llitros con petardos, carburante y aerosoles.
Según Delegación del Gobiernu español n´Asturies,sólo llegó a españar un petardu lo que redució los daños. Además señalen que tanto pol instrumentu escoyíu como pol 'modus operandi', podría ser obra del grupu qu´atacare les sedes de IU,PSOE y PP en Sotrondiu (PP), L´Infiestu (PSOE) y Xixón (IU) en setiembre. Tamién matizaron la posibilidá de que tuviese rellacionao col que, en campaña ellectoral en mayu de 2003, sufrió la sé candasina del PP.
El fuéu afectó a la entrada´l baxu y emburiose della propaganda ellectoral.
infoasturies 28 avientu 2003
______________________________
La Guardia Civil dedica un grupu d´investigación a los ataques contra les sés de partios politicos y nun creen que seyan delincuentes comunes sinon grupos redicales incontrolaos
Pa la Guardia Civil esisten namás que móviles políticos nos ataques perpetrados dende abril contra cincu sés de partios estatales n´Asturies. La pista que sigue la policia española va tres integrantes de grupos radicales incontrolaos, que figuren como más que probables autores de les esplosiones.
El xefe la Comandancia de Xixón, Antonio Rodríguez Bolinaga, punxo un grupu d´investigación de dedicación esclusiva a esti asuntu, repartiéndose´l trabayu les brigaes d´ Información y Policía Xudicial
Según la Guarcia Civil la investigación cuenta, con prebes irrefutables y que faen referencia al 'modus operandi' de los autores: la utilización de dos petardos, una garrafa de cincu llitros de combustible y dos aerosoles.
Los datos de los modus operandi de los sucesivos ataques foron publicaos na prensa polo que ye d´información publica el proceder pa facer esti tipu d´artefautos.
Pa los investigaores, xunto a estes prebes, esisten otra serie d´indicios que con ellos, el grupu d´investigación de la Guardia Civil parte de la costatación de que son los partios políticos estatales los que tan sofriendo los atentados, polo que, descarten l´autoría de delincuentes comunes.
infoasturies 28 avientu 2003 |
|
|
|
|
|
|
|
|
|
|
SUATEA felicita les vacaciones pidiendo conciencia colos xuguetes |
|
|
|
|
|
|
|
|
|
|
|
S INDICATU UNITARIU Y AUTÓNOMU DE TRABAYADORES DE LA ENSEÑANZA D'ASTURIES
Estimada/áu Compañera/u:
Na más lloñe de la nuestra intención que incitate al consumu. Pero si n´estos díes plantegueste regalar xuguetes, pedimoste que lo faigas con conciencia de que colos xuegos y los xuguetes, les neñes y los neños refuercen les sos esperiencies, aprenden comportamientos, actitudes y habilidaes, que van conformando la so personalidá presente y futura.
Les compañeres y compañeros de SUATEA, deseyámoste unes perbones vacaciones, y que´l mundu col que suañamos, un mundiu basáu en rellaciones d´igualdá, respetu y solidariedá, lu tengamos presente nesti Nadal a la hora d´escoyer los nuesos regalos.
NOn A LOS XUGUETES VIOLENTOS Y SEXISTAS
infoasturies 17 avientu 2003 |
|
|
|
|
|
|
|
|
|
|
IX ASAMBLEA ORDINARIA DE XENTE GAI ASTUR |
|
|
|
|
|
 |
|
| Los gais asturianos nun tan dimpuestos a ser pisoteaos |
|
|
|
|
|
|
La Asociación Xente Gai Astur –XEGA- vien de cellebrar n´Uviéu si IX Asamblea Ordinaria, na que s´analizó y aldericó les llínies d´actuación pa erradicar la homofobia y llograr la plena normalización social del coleutivu GLBT y la más completa equiparación en drechos de les pareyes de gais y llesbianes.
D´otramiente va crease un grupu TRÍBADAS, específicu de llesbianes, y modifíquense los conceyos selmanales que s´alternarán ente Uviéu y Xixón. La intervención nel campu sindical y educativu, el trabayu de prevención del VIH-SIDA y la llucha en favor d´una sociedá llaica, fueron tarees propuestes como prioritaries pa los dos años vinientes.
Na Asamblea renovose la Xunta Directiva, que quedó integrada por las siguientes personas:
Coordinador: José Manuel González
Secretario: Valentín Brugos
Tesorería: Julián Alonso
Vocales: Lynn Moreno
Javier Martínez
César González
Luis Blanco
La nueva Direutiva caracterízase pola continuidá de los cargos solo se han incorporado, como vocales, dos miembros nuevos, entre ellos y como novedad, una muyer (Lynn Moreno).
Nacho/ infoasturies 15 avientu 2003 |
|
|
|
|
|
|
|
|
|
|
|
|
|
|
|
|
|
|
|
Andecha Astur pide al Gobiernu asturianu qu’entaine na recuperanza del despachu de Belarmino Tomás y na so declaración comu Bien d’Interés Cultural |
|
|
|
|
|
 |
|
| Belarmino Tomás foi presidente d´una Asturies llibre y socialista |
|
|
|
|
|
|
El Ministeriu Defensa español yá amosó, en 2002, la so dimposición a ceder el mobiliariu, siempres y cuandu se solicite por escritu y s’indique onde se va asitiar nun futuru, cosa que’l Principáu entá nun fizo
Andecha Astur volvió a pedir que vuelva a ser propiedá de l’Alministración asturiana, que seya incluyíu na rellación de Bienes Muebles del Padrimoniu Cultural d’Asturies y declaráu Bien d’Interés Cultural el mobiliariu de despachu que sirvió de gabinete oficial a Belarmino Tomás, Presidente del Conseyu Soberanu d’Asturies y Llión, cuandu tenía el so despachu nel edificiu conocíu comu la “Casa Blanca” (Plaza’l Parchís, Xixón). Esti mobiliariu (una mesa, un sillón, un coxín, cuatru silles y un armariu) ta dende 1937 en manes del Exércitu español, asitiándose agora mesmo na Delegación de Defensa (Uviéu) y siendo utilizáu pol Presidente de la Hermandá de Veteranos de les Fuercies Armaes.
N’ochobre de 2001, qu’Andecha Astur presentó el mesmu pidimientu. Dende entós la Comisión de Pidimentos y Drechos Fondamentales de la Xunta Xeneral tien parada la propuesta. Y el Serviciu de Padrimoniu Hestóricu y Cultural de la Conseyería, qu’incluyó entós la propuesta nel Plan d’Incoación de Bienes Muebles pa valorar y protexer los Bienes d’Interés Cultural d’Asturies, nun fexo nada dende aquel momentu pa dar cumplimientu a la llexislación vixente en materia de padrimoniu.
L’Estatutu d’Autonomía obliga al Gobiernu asturianu a protexer el padrimonio cultural y asegura-y competencies esclusives en materia de padrimoniu cultural ya hestóricu. La Llei 1/2001 (Bopa 30/marzu/2001) obliga-y a conservar el padrimoniu cultural, cualisquiera que seya’l so réxime y titularidá, y a integrar nel Padrimoniu Cultural d’Asturies tolos bienes muebles ya inmuebles rellacionaos cola nuesa hestoria y cultura que merezan conservación y defensa.
El despachu del Presidente Belarmino Tomás guarda una estrecha rellación con ún de los periodos más importantes de la hestoria d’Asturies, pues n’aquel despachu oficial tomó importantes decisiones el que fora presidente d’una Asturies llibre y soberana; poro, resulta nidia la necesidá de recuperar, conservar y protexer esos bienes muebles.
Dende Andecha Astur nun s’algama a entender, y criticase, la dexadez del Gobiernu asturianu a la hora de rializar les xestiones afayaices, más teniendo’n cunta que’l Ministeriu de Defensa, en comunicación a la Conseyería de Cultura amosó la so dimposición a ceder el mobiliariu a la Alministración asturiana.
En rellación cola dimposición del Ministeriu de Defensa, Andecha Astur reclama la devolución del mobiliariu del despachu y non una simple “cesión”, ya qu’en dengún momentu l’Exércitu español pue atribuyise la propiedá de dalgo que foi robáu demientres la guerra civil y que constitúi una parte importante del padrimoniu cultural ya hestóricu del Pueblu Asturianu.
infoasturies 25 payares 2003 |
|
|
|
|
|
|
|
|
|
|
|
|
|
|
|
|
|
|
|
La Plataforma en Defensa de la Escuela Pública asturiana presenta la campaña contra la LOCE |
|
|
|
|
|
|
|
|
|
|
|
La Plataforma en Defensa de la Escuela Pública organiza unes charres los prósimos:
- martes 18 de payares a les 20:00 nel salón d´actos de la Casa la Cultura de Mieres y
- miércoles 19 de payares a les 18:30 en el C. P. Lorenzo Novo Mier, de Pumarín, Uviéu.
nes que se presentará la campaña de resistencia contra la LOCE.
Delles son les preocupaciones de la plataforma:
*La primera preocupación consiste na estensión de los conciertos a la Educación Infantil a partir del prósimu cursu.
*La imposición de la enseñanza de la relixón pa tol alumnáu asemeyanos a los estaos confesionales.
* La desregulación de los horarios y financiación de los centros y de les condiciones llaborales del profesoráu, favoreciendo procesos de mercantilización que inciden nuna mayor privatización del sistema públicu d´enseñanza.
*Invadense competencies asturianes con perpocu respetu a la descentralización del estáu.
*La enseñanza conviertese nuna carrera d´ostáculos, de la que desaparez la evaluación integraora y imponse la evaluación individualizada por asignatures.
*La reconversión más brutal amenaza a los departamentos de orientación d´anguañu y a tol profesoráu dedicáu a estes funciones. A los alumnos segregaráse-yos dende edaes tempranes, rompiendo la enseñanza comprensiva.
*Madres y padres son marxinaos del gobiernu de los centros, atentando contra los más ellementales principios democráticos de participación, el poder nel centru concentrase en manos del/a director/a (que será nomáu, non elexíu) y el conseyu escolar se conviertese nun órganu de participación ensin competencies de gobiernu.
infoasturies 15 payares 2003 |
|
|
|
|
|
|
|
|
|
|
IZQUIERDA ASTURIANA (IAS) PIDE LA PARALIZACIÓN DEL PROYECTU DEL REFUXU D’EL MEICÍN. |
|
|
|
|
| IAS pide al gobiernu asturianu que recule nel actual proyectu de reforma que se propón facer nel refuxu de la Vega’l Meicín en Pinubina, por suponer un grave atentáu contra una zona d’importante valor medioambiental. |
Dende’l puntu de vista d’IAS l’actual proyectu que tenta d’enantar considerablemente un refuxu qu’anguaño esiste nun tien xustificación nenguna darréu que la so utilidá, a día de güei, ye nula y la so construcción puede tener importantes efectos negativos.
IAS apunta delles razones, son les que vienen darréu:
L’ameyoramientu de les comunicaciones de la zona y la escasa media hora ente’l llugar de Tuíza y talu refuxu nun da pa pensar que s’inviertan más de 390.000 euros en tala reforma.
Fuerte impactu visual y una importante degradación ecolóxica de la zona, ya sía pol efectu de la maquinaria que se precisa pa la so construcción (obligaría a la construcción d’una pista de considerables proporciones y movimientu de tierres que diba llevar arreyao) como tamién pola fuerte presión sobre los acuíferos de la zona que se veríen menguaos de forma importante pa cubrir les necesidaes del refuxuu. Acuíferos qu’abastecen a los pueblos de la zona.
Esti proyectu amuesa, pa IAS, otra vegada más la clara política que per parte del Gobierno Asturiano se tien pa los espacios naturales, que nun ye otro que la política de la MASIFICACION.
IAS solicita al actual Gobiernu Asturianu:
1- Que paralice l’actual proyectu de forma inmediata polos perxuicios que podría ocasionar.
2- Qu’emplegue’l dineru presupuestao pa dicha infraestructura nel valtamientu y llimpieza del refuxu d’El Meicín y l’ameyoramientu de les instalaciones deportives del conceyu de L.lena.
infoasturies 13 payares 2003 |
|
|
|
|
|
|
|
El PSOE de Carreño reconoz que la campaña “Queremos que trabajes en Asturias” ye vergoñosa y despilfarradora |
|
|
|
|
|
|
|
|
|
SUATEA y la Formación ocupacional n´Asturies |
|
|
|
|
|
 |
|
SINDICATU UNITARIU Y AUTÓNOMU DE TRABAYADORES DE LA ENSEÑANZA D'ASTURIES |
|
|
|
|
|
|
Resume de rueda de prensa de SUATEA sobre la integración na Formación profesional ocupacional n´Asturies del 5 de payares.
[en castellán]
Para el año 2003 se habían aprobado 958 cursos de Formación Ocupacional para Asturias de los cuales solamente una quinta parte -222- se impartirían con medios propios, el resto es para "centros colaboradores", este dato por sí solo ya supone una privatización encubierta y muy alta de la formación profesional. Como todos los años algo más de la mitad de los cursos comienzan a impartirse en Enero/Febrero y el resto empezarían en Agosto/Setiembre quedando para estas fechas incluso un 20-30% de presupuesto aún disponible para aumentar la oferta (normalmente privada). El 1 de Agosto se publica en el BOPA el decreto por el cual la formación ocupacional pasa a depender de la Consejería de Educación y Ciencia y ese mismo mes ocurre el hecho insólito de que cerca de la mitad de los cursos -programados, aprobados y algunos ya con alumnos- que se impartirían con medios propios son suspendidos quedando el profesorado en el paro y manteniéndose en cambio la oferta privada. Estaríamos hablando de unos 50 o 60 cursos y de más de un millón de euros que desaparecen al hacerse cargo de ellos la Consejería de Educación. ¿Qué ocurrió? ¿Se esfumaron o fueron "transferidos" a los centros colaboradores?. Las consecuencias inmediatas son, por un lado, un colectivo de unos setenta trabajadores -los expertos docentes de la consejería de trabajo- que ven peligrar su puesto y nadie les da la más mínima explicación y por otro el retroceso de la oferta pública frente a la privada.
¿Qué hará la Consejería para el próximo año?. Todo parece indicar que piensa impartir su "trozo" de ocupacional en los Institutos de Educación Secundaria proponiendo para ello la realización de horas extras al profesorado de los mismos. ¿qué ocurre entonces con las famosas 35 horas? ¿qué ocurrirá con el personal laboral que los venía impartiendo? ¿Horas extras en la enseñanza e interinos en paro?. Curiosamente mientras la opción de las horas extras parece ser la propuesta para impartir ocupacional se incumplen los acuerdos sobre desdobles en talleres de la Formación Reglada en IES como el de Noreña donde un año más tendremos que luchar para que se envíe el profesorado correspondiente.
Ya el curso pasado SUATEA solicitó al anterior Viceconsejero información sobre el dinero destinado a la formación profesional y su desglose, ante la negativa a esta información iniciamos una campaña donde el profesorado apoyó la petición mediante su firma, continuamos esperando los datos. Este curso hemos pedido una entrevista con la Directora General de la Formación Profesional, dependiente de la Consejería de Educación y Ciencia, con intención de ver hacia dónde camina la integración de los tres subsistemas de la FP y manifestar nuestras posturas al respecto. También seguimos esperando. Posteriormente solicitamos información sobre centros, plantillas, personal interino...La misma respuesta. La técnica empleada para anular la acción sindical y la defensa de los trabajadores y la enseñanza pública es no ceder absolutamente ninguna información a los sindicatos. En este contexto la Junta de Personal Docente no Universitario aprobó el pasado 29 de Septiembre la resolución que adjuntamos y en la que se solicita, entre otras cosas, la inclusión de todos los sindicatos representativos de la Junta de Personal en el Consejo Asturiano de la Formación Profesional. Continua el silencio.
Otras pistas nos dejan entrever el camino marcado para la privatización de la formación como pueden ser la desaparición de cursos en los Centros de Adultos (nuevamente más profesorado interino en paro) o la declaración de la impartición de formación como interés público a efectos de permitir las compatibilidades al funcionariado docente.
La economización de la formación nunca irá en beneficio de su calidad. Los centros privados hacen cursos para cubrir su propia necesidad de dar cursos.
Se camina hacia el sistema de financiación pública "búscate la vida" iniciado con el recorte de presupuestos en la FP para luego ofrecer que compitan por otras actividades que de paso servirán para desregular la jornada laboral.
La amenaza de paro que sobre el profesorado interino implican las medidas de privatización y desregulación laboral se hace ahora extensiva a los expertos docentes recientemente transferidos de la Consejería de Trabajo.
[nacho] infoasturies 10 payares de 2003 |
|
|
|
|
|
|
|
|
|
|
ANDECHA ASTUR PROPÓN QUE'L GOBIERNU ASTURIANU INVIERTA EN VIVIENDA PA MOCEDÁ'L COSTU D'UNA RESIDENCIA PA LOS PRÍNCIPES D'ESPAÑA |
|
|
|
|
|
 |
|
| El "Pisín", de 1350 metros cuadraos, de baldre, del herederu la corona española en Madrid. |
|
|
|
|
|
|
Énte la propuesta empresarial, Andecha Astur denuncia que la mocedá asturiano ye la que más torgues tien pa emancipase en tol Estáu.
Analizada la propuesta d'un sector empresarial pa que'l Gobiernu d'Asturies "facilite" a los príncipes d'España una residencia de descansu n´Asturies, Andecha Astur acaba solicitar al Gobiernu d'Asturies que valore'l presupuestu estraordinariu qu'ello supondría ya incremente polo menos nesa cantidá'l ruinu presupuestu qu'invierte en política de vivienda pa la mocedá.
Andecha Astur xustifica la so propuesta por dos motivos básicos. En primer llugar, cree que la población mozo asturiano ye un seutor social d'atención prioritario que nestos momentos ta mui lloñe, ente otres coses, d'esfrutar de les condiciones afayaíces p'aceder a una vivienda que-yos permita emancipase. En segundu llugar, la organización nacionaliega creye que la condición d'herederos de la corona rial española ye una circustancia política ayena a la identidá y a los intereses del Pueblu Asturianu.
Andecha Astur destaca que na mocedá asturiano danse los índices más pequeños del Estáu español d'emancipación de la casa paterna. La vivienda ocupao por mocedá (menos de 35 años) ye namái'l 7,5% y la tendencia ye a la baxa. Les causes d'esto tán, sobro too, nel trabayu escasu, precariu y permal pagáu que s'ufre a la mocedá, y, en consecuencia, nel altu indiz de paru.
Nun hai dubia según esta organización que los 45.600 asturianos/es en paru, los 65.617 asturianos/es forciaos a emigrar nos caberos años y los milenta esplotaos en precario tienen de recibir, en cuenta cualisquier príncipe, los recursos materiales y presupuestarios afayaízos pa exercer el so drechu democráticu a una vida digna.
infoasturies 6 payares 2003 |
|
|
|
|
|
|
|
|
|
|
