Solucións para a integración das persoas con discapacidade
Entre os días 2 e 4 de decembro desenvolverase na Facultade
de Ciencias da Comunicación as Xornadas "USC: voluntariado
e integración". As xornadas están organizadas
pola Confederación Galega de Minusválidos (COGAMI),
a Dirección Xeral de Voluntariado, e a Universidade de
Santiago de Compostela; servirán de foro de discusión
sobre á integración de persoas con discapacidade
no ensino universitario.
A vicerrectora de Estudiantes da USC, Elena Vázquez,
sinalou que con estas xornadas dase un paso máis a prol
de acadar a normalidade e o respecto coas discapacidades a través
da concienciación. Pola súa banda, Delmiro
Prieto en representación de COGAMI sinalou a
necesidade de tomar conciencia de que as persoas con discapacidades
son cidadáns independentes con capacidade para a toma
de decisións nos temas que lles afectan. Prieto
engadiu que "tense avanzado moito, aínda
que queda camiño por percorrer, sen esquecer que estamos
ante un tema que nos concerne a toda a sociedade".
Mª José Bravo, responsable da Dirección
Xeral de Voluntariado destacou que "de
tódolos proxectos chegados á dirección
xeral de Voluntariado os máis brillantes teñen
sempre moito que ver coa Universidade de Santiago".
Nas xornadas trataranse temas como
as estratexias para a promoción da accesibilidade, os
programas con voluntarios especializados na atención
de persoas con discapacidade, a transición da educación
secundaria á universidade, ou os retos dos servicios
universitarios de apoio á integración. As aportacións
dende o eido das novas tecnoloxías e os servicios de
integración laboral completarán as sesións.[]
Información e inscripcións
en:
Oficina do voluntariado da USC
Casa Simeón, r/Casas Reais, 8
Tlf.: 981 563 100 ext.12858/12859
COGAMI
r/Modesto Brocos, 7-3º bloque-baixo
Tlf.:981 574 698
