Polémica en dereito polo novo plano de estudios


A implantación do novo plano de estudios na facultade de Dereito da USC está a suscitar polémica entre profesores, departamentos e alumnado. iesga-Dereito denunciou os abusos por parte dun sector do profesorado animando ós estudiantes a reclamar esta situación ante o Decanato e o Valedor do Estudiante. Así mesmo, fan un chamamento á mobilización e á actuación solidaria de tódolos estudiantes.


Jóse Luis Valcarce, voceiro de iesga-Dereito, considera particularmente lamentable a actitude da área de Dereito Romano, que pasou de ser anual con 17 créditos a ser cuadrimestral con 7,5. Segundo Valcarce, "os profesores da area non parecen comprender a diferencia entre cuadrimestral e anual, e, empéñanse en dar no cuadrimestre o temario completo que se daba polo plano vello. O problema de fondo é a incapacidade de D'Ors e familia de comprender o cambio do sistema de formación xurídica que supón transformar os estudios xeneralistas en Dereito en estudios que formen xuristas especializados". Desta forma, engade Valcarce, o Dereito Romano debera considerarse coma unha introducción ó dereito privado que facilite a comprensión da conformación científica do Dereito.